Xalq artisti Şəfiqə Eyvazova müsahibəsində maraqlı faktları açıqlayıb.
Milli Konservatoriyanın professoru, Xalq artisti Şəfiqə Eyvazova 8 Mart - Qadınlar Bayramı ərəfəsində müsahibə verib. O, həm də doğum gününü qeyd edir. Gələn il 80 illik yubileyini qeyd edəcək sənətkar, illər ərzində bir çox musiqiçiyə nümunə olub.
Şəfiqə Eyvazova deyir: "Deyirlər ki, qadınlar arasında ilk solist olmuşam, xeyr, mən kişilər arasında ilk solist qadın oldum. Məndən sonra qızlar kamança sinfinə yazıldılar. Ona görə deyirlər ki, Şəfiqə qızlar sülaləsi yetişdirdi".
O, klassik musiqi ilə ürəyinin birliyindən, orkestr və ansambllarda çalışdığı illərdən danışıb. Həmçinin, ailəsində musiqi sevgisinin necə davam etməsindən söz açıb.
Sənətkar, Əhsən Dadaşovun ansamblı ilə xarici qastrollara getdiyi illəri xatırlayıb. İlk solo ifasını və müəllimlik fəaliyyətini də vurğulayıb.
Şəfiqə Eyvazova, Türkiyənin Tekfen-Karadeniz Filarmoniya Orkestrində solist kimi çalışdığı dövrü də qeyd edib.
Sonda, o, ifa etmədiyi üçün darıxanlara səslənib və gələcək planlarından danışıb. Qadınlara xoşbəxtlik arzulayıb.